الحقيقة ,....

من طرف روبا الإثنين مايو 03, 2010 3:00 am

شايفك بتحكى وجوه عينك ألــف أه
عماله تبــكى وتمسحى فدمع الحياه
بتشكى للصمت اللى مدفون جوه منك والعذاب
ضاقت الدنيا فعنيكى وكل شئ أصبح ســـراب
كنت عايز أعرف حقيقه مخبياها سنين عليا
ولما قلتى كل حاجه إسودت الدنيا فعنيه
كل جمله بتنطقيها بتعصر القلب الحزين
وكل حرف بيدبح الحرف اللى قبله مالأنين
كل نظره من عنيكى فيها دمعه مداريه
كل كلمه بتقوليها بتقتل الكلمه اللى جايه
ماتت الاحلام فقلبى لما خلصتى الكلام
مبقتش عارف ألم نفسى وسط أمواج الألام
أداوى جرحى ولا جرحك أولا دلوقتى نداويه
أكره اليوم اللى شفتك وإنتى أول حلم فيه
والرعشه مسكت جسمى كله مبقتش عارف أعمل إيه
أمد إيدى وامسح الدمع فعنيكى من سكات
أخدك فحضنى وقلبى ينزف جوه منك للممات
ولا اسيبك وإنتى غرقانه فمضيكى وذنب فات
وإنتى منى وقلبى فيكى بينبض النبض الأخير
من كلامك والحقيقه بتقتل الحلم الكبيرh.b