خيمة الشعر الخليجي

من طرف روبا الإثنين مايو 03, 2010 4:32 am

اخواني واخواتي
الأعـــــــــــــــــزاء
السلام عليكم

دعونا هنـــــــــــــــا
نـــــــــــــــــــــــــــترك
هذي المساحه لعشاق الكلمه الخليجية....
سواءً كانت من إبداعكم...أو منقولة
ارجو التفاعل للتعرف على عمالقة
الشعر الخليجي الرائع.....
تقبلوا جل احترامي

هذي قصيده
لـــــ عبد الله الفيصل

انا بليت بحبكم من هبالي
والاانت ظل مالنا فيك منزال

خيرك لغيري والشقا والعنالي
والمشكل اني عارف كل الاحوال

ارمي بروحي في بحرك الزلالي
وتنسفني امواجك على يا بس الجال

اسال فراشي كيف اقضي الليالي
بالليل لي حال ومعكم لي احوال

من خوفي الشمات يشمت بحالي
ويكثر علي من العدا القيل والقال

انت السبب ولعتني ياغزالي
وفتحت لي دنيا جديده با الامال

وابعد ت خلاني وجيتك لحالي
وفرشت قلبي لك مقر ومدهال

ويوم ابعدن حبالهم عن ا حبالي
ودريته انك عندنا غالي المال

ابديت عقب الحب صرف الجفالي
وخليتني محتار في اشهب اللال

نصيت رب عالم ماجرالي
ماحط دون الخلق حاجب ومرسال

ومنحني السلوان عال الجلال
وقصر على الليل من عقب مطال

واليوم ترسل لي وتبدي الوفالي
وتبدي لي اعذار قصيرات واطوال

تبي تجدد ما انقطع من وصالي
وتبدي من الفتنه لي الوان واشكال

تردني في حالي اللي مضي لي
ترضي غرورك بس ياحسن الاقبال

معاد تخدعني عقب مابدا لي
وان عدت فيما عفت مانيب رجال